Odensemi juullerpalaarneq

Kalaallit Illuat Odensemiittoq aqqanilissaanik juullimut niuffattitsilerpoq, taanna pissaaq qaammammi uani arnininngornerit naggataanni, novembarip 26-anni. Periarfissaajumaarporlu juullerpaluttunik, allanillu nunatsinnut attuumassuteqalaartunik pisilaarsinnaanissaq.
Allattoq Per Andersen
novembarip 15-at 2011 12:18

Kalaallit Illuutaat Odensemiittoq, ukioq 2000-mili ukiut tamaasa juullimut niuffatsitsisarpoq.

-Niuffatsitsineq ukiuini siuliinisut ingerlalluassappat, pisiniarfinni tupersuarnilu tuniniaasarfiusuni, inunnik ulikkaalertorumaarporaasiit, Annette Bogø Lyberth Kalaallit Illuutaanni Odensemiittumi Kulturikkut attaveqaqatigiinnikkullu sullissisartua oqarpoq.

Juullimut niuffatsitsineq ukiut ingerlaneranni soqutigineqaleriartorsimavoq, ukioq mannalu tuniniaasussat 15-it nalunaarsimasutut allatsissimapput. Ilaattut tuniniarneqartussaassallutik Umimmaat nuersakkat, pinnersaatit kalaalerpaluttut, puisip amiinik isersimmasiat, aaqqatit juullerpaluttullu assigiinngitsut.

Juullimut niuffatsitsineq ualikkut nalunaaqutaq ataatsiniit, sisamap tungaanut ingerlanneqassaq, niuffatsitsinerullu ingerlanerani erinarsoqatitiit Umiaq juullerpaluttunik atuisarlutik aliikkusersuisarumaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq