Oceana: Aalisakkat ilaat nungutaasinnaapput

Taamaammat imavissuit illersorneqarnissaat pillugu suliniaqatigiiffiup, Oceanap, nalunaarusiamini Nunat tamalaat niueqatigiinnikkut suleqatigiiffianni, WTO-mi, naalagaaffiit ilaasortaasut aalisartunut tapiisarunnaaqqullugit kaammattoqquai. Naalagaaffiit peqatigiit ataanni nerisassat naasorissaanerlu pillugit kattuffimmiit nalunaarusiaq misissorluareerlugu nalunaarutigineqarpoq aalisakkat 17 procentiinnaat nungusaataanngitsumik aalisarneqartartut.

Atlantikulli ilarujussuani, Indiap imartaata kippasinnerusortaani Manerassuullu avannaata kippasinnerusortaani aalisapilunneq ajornartorsiutaaqisoq paasineqarpoq.

Oceanap naliliinera naapertorlugu aalisakkanik inuutissarsiuteqartut ukiumut 20 milliardi dollarsinik taperneqartarput. Allatut oqaatigalugu, nunarsuatsinni aalisakkat pisarineqartartut tamarmik sisamararterutaasa nalingi ukiumut tapiissutigineqartarput.