Ocean Vikingip inuit 130-it sinnillit Akullersuarmi annaakkai
Norskit umiarsuaata Ocean Vikingip inuit 130-init amerlanerusut Akullersuarmi ulluni kingullerni annaappaai.
Taakkunannga 67-it qisummik umiatsialiami imaannarsuarmiittut sapaatit akunnerisa naaneranni annaappaat.
67-init 20-it ukiukitsuupput inersimasunit ilangineqanngitsut.
Nalunaaquttap akunnialui sioqqullugit inuit 21-it siulliullugit umiatsiamiit qaqinneqarput, maannalu inuit umiarsuarmiittut 130-pput.
AAMMA ATUARUK Canadami kiarujussuarnera qaangiukkiartorpoq - pinngortitamili suli ikuallattoqarpoq
Umiarsuaq nunasisunik qimaasunillu Europaliartunik ajutuulersunik Akullersuarmi ulluni kingullerni ikiuisaqattaarpoq.
Libyeap killeqarfiani pigaartut FN-p qimaasunut suliniaqatigiiffianut siusinnerusukkut nalunaarput, inuit 120-it Akullersuarmi tigusimallugit Libyeamukaateqqinneqarsimasullu.
Amerlasut ipisut
Nunasisut ikinnerpaamik 43-it Tunesiap eqqaani umiiarnermik kingorna sapaatit akunnerisa siuliani ipipput.
Inuit hunnorujut tuusintilikkaat Afrikap avannaata kitaanit Akullersuaq ikaarlugu ulorianartorsiorlutik aallarput. Taakkuninnga amerlasuut akerleriissuteqarneq piitsuussuserlu pillugu qimaapput. Inuit ikinnerpaamik 550-it ukioq manna ipillutit ajunaarput.