Peqqissuunissaq pillugu suliniut sapaatiummalli akuersissutigineqarmat akerliusut republikanerit akornusersuiniarsaripput, suna tamaat atuaqqissaarlugu, paragrafillu marluk kukkuneqarsoraat. Danmarkip Radioata nittartagaani tamanna ullaaq-manna atuarneqarsinnaavoq.
Paragaraffit taakku marluk maanna peerneqareerput, ullullu marluk sukumiisumik oqallittoqareersorlu peqqinnissaq pillugu inatsisissaq Repræsentanternes Husimi ippassaq kiisami akuersissutigineqarpoq.
Peqqinnissaqarfiup aaqqissuuteqqinnissaa pillugu isumaqatigiinniarneq kiisami akuersissutigineqarpoq, Demokratillu oqiliallaqaat:
- Tamatta qasoqaagut, inatsisiliornissaq oqallisigeqaarput, akerleriingaatsiarpugullu, kisianni angusarissaaqaagut, Demokratineersoq Harry Reid oqarpoq.