Obamap qinigaanera Connie Hedegaardip isumalluarnartippaa
Barack Obama USA-mi præsidentissatut qinerneqarneratigut Naalagaaffiit Peqatigiit silap pissusaa pillugu aappaagu Københavnimi ataatsimeersuartitsinissaanut isumalluarnartoqarpoq, taamatut oqarpoq Danskit avatangiisinut nukissiuuteqarnermullu ministeriat Connie Hedegaard Konservativeneersoq.
Allattoq Louise M. Kleemann
Silap pissusaata nukissiuuteqarnerullu pingaaruteqassusii Barack Obamap qineqqusaarnermini erseqqissartuarpai.
Silap pissussaa pillugu isumaqatigiissummik angusaqarfiulluartumik aappaagu Københavnimi atsioqatigiinnissamut amerikamiut pimoorussinerat aalajangiisuulluinnassaaq, Connie Hedegaard oqarpoq.