Obamap qineqqusaarutini ajornakkusoortissavaa
USA-mi præsidentinngortussap Barack Obamap qineqqusaarutini, tassa Kangiani Qiterlermi eqqisseqatigiinnissamik piaartumik iliuuseqarniarluni qineqqusaarutimi piviusunngortinniarnissaa ajornakusoortissavaa. Nutaarsiassaqartitsivimmi Ritzauimi taama allaaserinnittoqarpoq.
Allattoq Louise M. Kleemann
Obama suli præsidentimut ivertinneqanngitsoq Israelimiut saassussimmata, tamanna Obamap nunanut arabiamiunik inulinnut attaveqarniarneranut ajornakusoortitsilersinnaavoq.
Pisunilli misissueqqissaartartut oqaatigaat Israelip maanna saassussinermigut Obamap nunanut allanut atatillugu ajornartorsiornerani Gaza siullerpaanginniassammat maanna saassussisoqartoq.
Obamap nunanut allanut siunnersuisartui Israelip Gazamut saassussinera oqaaseqarfigiumanngilaat, eqqaasitsissutigiinnarluguli George W. Bush USA-mi suli sapaatip akunnerini pingasuni præsidentiusussaammat.