Obamap Clinton ajugaaffigaa
Unammillertaa Hillary Clinton oqalugiarnermini oqarpoq, ulluni tulliuttuni siunnersortini siunissani pillugu isumasioqatigeqqaassagini, Barack Obamalu angusarissaarneranik nersualaarpaa oqarluni Amerikamiorpassuarnut politikkimik soqutiginnilernissamik maligassiuisimanerarlugu.
Barack Obama aamma Hillary Clintoni pillugu ilaatigut ima oqarpoq:
- Arnaq taanna Amerikamiorpassuarnut mio.-ilinnut siuttutut maligassiulluartuuvoq. Parteerput nunarpullu arnaq taanna pissutaalluni ajunnginnerulerpoq, uangalu aamma taassuma qineqqusaaqatiginera pissutigalugu qineqqusaarnera pitsaanerulerpoq, taama Barack Obama Amerikamiut 18.000-t saallugit ajugaasimaaqaluni ilaatigut taama oqalugiarpoq.
Oqaatsit taakku tusarnersut imaassinnaavoq aamma kingusinnerusukkut Hillary Clintonip præsidentimut tullersortaanissaanik neqeroorutitut aallarniutaasinnaasut.
Novembarimi demokraatineersoq Barack Obama kiisalu republikaneriusoq John McCain præsidentinngorniutissapput.
