Obamap anguniagaa pingaarneq aalajangiiffigineqangajalerpoq

Akuerineqassanngippat Obamap politikkikkut anguniagassai qatangiinnartinneqarsinnaasut, Danmarkip Radioata USA-mit tusagassiisartua Steffen Gram naliliivoq:

Qaangerniagassat pingaarnerit pingasuupput:

Obamap politikkikkut ajugaannginnissaa republikanerit soorunami anguniarpaat, politikkikkullu isummat tunngavigineqartut assigiinngilluinnarput.

Napparsimalersinnaanermut sillimmasiinissamut innuttaasut naalagaaffimmit piumaffigineqarsinnaappat? Naartuersittarnerit naalagaaffiup akilertassavai? Napparsimalersinnaanermut sillimmaserneqarnissamut innuttaasut pisinnaatitaaffeqarpat? Republikanerit tamakku isumaqatiginngilaat, innuttaasulli napparsimalersinnaanermut sillimmaserneqarnissamut pisinnaatitaaffeqartariaqartut Demokratit isumaqarput. Inuimmi 50 millionit missaat ullumikkut sillimaserneqarsimanngillat.

Innuttaasut sillimaserneqarsinnaanissaannut aningaasartuutit aamma isumaqatigiinngissutigineqarput:

Demokratit siunnersuutaat malinneqassappat sillimmasiinerit katillugit 1000 milliardit dollarinik naleqassapput, imaluunniit 5429 milliardit koruunit missaat.

Republikanerit siunnersuutaat malissagaanni aningaasartuutit 61 milliardit dollariussapput, imaluunniit 331 milliardit koruunit missaat.

Innuttaasut 41 procentiisa missaat Obamap siunnersuutaa taama isikkoqartillugu akuersaaraat, innuttaasunik isumasiuinerit takutippaat, allallu 15 procentit isumaqarput siunnersuut naammanngitsoq.