Obama unnuaru oqalugiassaaq
Ukiumi ataatsimi alutorsaatigineqarnera maanna illuanut saassimavoq. USA-mik ilisimasallip Københavnillu Universitetiani ilisimatusartup Mads Fugledep præsidentip ajornartorsiutai ima nassuiarpai:
Amerikami aningaasarsiorneq suliffissanik pilersitsisimanngilaq Obamallu amerikamiut politikkikkut kisimiilluni aqutsisinnaanerminik qularunnaarsinniarnissaat pisariaqartillugu.
Mads Fuglede aperineqarami Obama oqalugiaatissaminik kusanartunik allalluakkanillu oqalugiartarnermigut ilisimaneqartoq, isumaqarnersorlu tamanna unnuaru oqalugialeruni iluaqutigissaneraa, akivoq:
- Tamanna pisariaqarpoq, tassa Massachussetsimi ajorsarnerup qaavatigut partiip iluani annertuumik oqallittoqarpoq apeqquserneqarlunilu Obama amerikamiunut qinersisartunut alutornarsinnaasunik pilersaaruteqarnersoq, aammalu qinersinerni pilersaarutinik malinneqarsinnaasunik peqarnersoq, taamaalillunilu partiimi nukissaq pillugu suli aammaarluni oqaluttariaqarluni taavalu paasineqarluni Obama tassaasoq siunissami Demokratinik suli aqutsisuusoq, Mads Fuglede oqarpoq.
Taanna aperineqarami oqaatsit suut tusassanerivut, akivoq:
- Isumaqarpunga præsidenti ukiumi qaangiuttumi kukkussuteqarsimanernik akisussaassuseqarnermik, siunissamilu amerikamiut suliffissaannik pilersitsisoqarnissaanik assorsuaq samminnittoq takussallugu, Mads Fuglede oqarpoq.
