Obama unnuaq uppernarsaateqqinneqarpoq

Amerikamiut præsidentiat, Barack Obama, unnuaq uppernarsaateqqinneqarpoq. Tamatumunnga pissutaavoq Obamap pisortatigoortumik uppernarsaatinneqarnerani eqqartuussisuunerup, John Robertsip, oqqarliornera, taamaalilluni Obama akunnattuuallalluni. Nutaarsiassaqartitsivimmi Ritzauimi taama aallaatigisaqarput.

Taamaammat Obama John Robertsimut præsidentip illorsuani unnuaq uppernarsaateqqinneqarpoq, tamannali aviisiliortunit taamaallat najuuffigineqarpoq.

Pisortatigoortumik marlunngormat uppernarsaanermi eqqartuussisuuneq kukkusumik issuaavoq. Taama pimmat Obama akunnattoorpoq, paasigunarlugu arlaannik ajortoqartoq. Robertsip oqaatsini kingulliit uteqqippai, kingumulli kukkullugit.

Præsidentip illorsuanit nalunaarutigineqarpoq aappassaanik uppernarsaatitsineq ”nalunartut pillugit” pisoq.