Obama tuluit EU-mut taasinissaannut akuliuppoq.

Tuluit Nunaat EU-mut ilaasortaaginnarnissamut akuersillutik taasigunik silatusaarnerussasoq, USAp præsidentia, Barack Obama, aviisip Daily Telegraphip nittartaagaanut ilanngutassiilluni allappoq. 

Sisamanngornermi unnukkut, præsidenti Tuluit Nunaannut tikeqqammersoq, ilanngutassiaq tamanut saqqummiunneqarpoq. 

- EU-p Tuluit Nunaat annerulersissagaa, ikinngutitut oqaatigissavara, Barack Obama allappoq.

Tuluit Nunaat EU-mit anissanersoq Tuluit Nunaanni oqallisigineqangaatsiarpoq, Obamallu angertunut tapersersuinera, tuluit politikeriinit EU-mit anerusuttunit, akerlerineqangaatsiarpoq.   

- USA isumaqaruni tuluit nammineq aalajangiisinnaassusaat allanut taamatut tunniutiinnaassagaat peqqusersiornerussaaq, Londonimi borgmesteri, EU-miillu anerusuttunut ilaasoq, Boris Johnson aviisimut The Sunimut ilaatigut oqarpoq.

Amerikap præsidentia pisortatigoortumik Tuluit Nunaannut tikeraarpoq, ministeriuneq David Cameron dronning Elizabethilu, 90-nik ukioqarlerluni inuuissioqqammersoq, naapinniarlugit. 

/ritzau/