Assi: © Office of the Prime Minister (2016) Foto Adam Scotti

Obama Trudeaulu: Canadap Issittumi Inuit eqqarsaatigisariaqarpaat

Issittup imartaani angallannerusoqalissappat Canadami oqartussat naggueqatigiit Inuit eqqarsaatigisariaqarpaat, tamaanilu uumasut avatangiisillu aamma mianerisariaqarlugit.

Pinngortitamik illersuiniaqatigiiffik Pew's Oceans North Canada taama isumaqarpoq, Canadami naalakkersuisut Issittumi avatangiisinik mianerinnillutik suliniuteqarnissaat kissaatigalugu. CTV News nittartakkamini taama allaaserisaqarpoq.

Issittup imartaanik mianerinnilluni angallassisoqarnerulersinnaanissaa, Canadap ministeriunerunerata Justin Trudeaup USA-llu præsidentiata Barack Obamap Washingtonimi qanittukkut naapinnerminni isumaqatigiissusiorfigaat, atorfilittallu Canadameersut tamanna pillugu sinaakkutissanik siunnersuusiuleruttorlutik.

Louie Portali, Pew's Oceans North Canadameersup oqaatigaa pilersaarutit taakku miluumasunik imarmiunik, soorlu arfernik aavernillu, mianerinngitsuusut, immallu naggueqatigiinnit Inunnit inuussutissarsiorfigineqarnerat ataqqineqanngitsoq.

Umiarsuit Issittup imartaani ingerlaarfigisinnaasassaattut suliniaqatigiiffiup siunnersuutai taakkunannga aamma saqqummiunneqaqqammerput.

Canada Issittortaani immakkut angallanneq 1980-imili marloriaatinngorsimavoq.

Aamma atuaruk Canadami ministeriunerup naggueqatigiit Inuit naapeqatigai

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat