Obama sullivinnik 2,5 millioninik pilersitsiniarpoq
Obamap aningaasarsiornikkut siunnersortini peqqusimavai, aningaasarsiornikkut siuariartoqqilernissamut pilersaarusioqqullugit, taamaalilluni ukiut marluk ingerlaneranni sulliviit nutaat 2,5 millioninik amerlassusillit pilersinneqarniassammata.
- Sapaatip akunnerini tulliuttuni immikkuualuttortai suliariniarpavut, taamaattorli oqaatigisinnaavara Amerikami sullivinnik pilersitsinissaq nuna tamakkerlugu ukiuni marlunni ingerlanneqartussaq aallartisarniaripput, taamaalilluni aningaasarsiorneq nukittuumik tunngavissalerniarlugu, USA-mi præsidentinngortussaq oqarpoq.
Obamap januaarip 20-anni George W. Bush taarserlugu præsidentinngoruni, aningaasarsiorneq pingaarnersiuinermini salliutinniarpaa.
Obamap oqaatigaa, suliffippassuit aqqusernit ikaartarfiillu nutarternerinut, atuarfiit nutarternerinut, anorimit nukissiuutiliornernut, seqernup nukinganik nukissiuutinut bilinullu benziinamik atuivallanngitsunik sanaartornermut atorneqassasut.
