Obama præsidentinngoruni tullersortissaminik ujaasititsivoq

USA-mi Demokraatit præsidentissatut qineqqusaartitaat Barack Obama præsidentinngoruni tullersorteriumaagassaminik ujaasilereerpoq.
Allattoq Jaaku Lyberth
maajip 22-at 2008 17:27

Taamtuttaaq republikanerit præsidentissatut qineqqusaartitaat John Mc Cain.

Obamap tullertigiumaagassaminik ujarlernera qineqqusaarnerani sulisuinit oqaatigineqarpoq.

Tusarfiilli aterminnik taasiumanngillat saqqummerumanatillu. Obamap tullersortigiumaagassaanik ujaarlertitaq tassaavorooq Jim Johnson.

Demokraatit præsidentinngorniunnissamut qineqqusaartitaasa John Kerryp Walter Mondale-illu præsidentimut qinigaagunik tullersortigiumagassaannik Johnson ujarlertinneqarsimavoq.

Tullersortigiumaagassannik ujarlertinngilara, ikinngutaalluartoruna, præsidentimut tullersortigiumaagassara oqaaseqarfiginianngilara, præsidentinngorniunnissamut toqqagaatinnanga, Barack Obama oqarpoq.

Obama præsidentimut qinigaaguni tullersortigiumaagassaattut Hillary Clinton John Edward-ilu piukkunnartutut taaneqartarput.

Republikaanerit qineqqusaartitaat John McCain vicepræsidentissaminik aamma ujaasivoq. Mitt Romney piukkunneqarluni taaneqararpoq.