Obama nuannerpallaanngitsumik tusagassaqarluni ullaaq iterpoq

Barack Obama ukioq ataaseq præsidentioreerlunilu nuannerpallaanngitsunik nutaarsiassaqartoq ullaaq iterpoq. Tassami Massachusetsimi, Demokratit Kennedy-kkullu qinigaaffigisartagannaanni, Scott Brown republikaneriusoq senatorissatut qinigaasimammat. Ukiuni 46-ni senatoriusimasoq Ted Kennedy ungasinngitsukkut toqukkut qimagummat senatorissamut qinersisoqarpoq.

Una qinersineq Barack Obamamut tatiginninnginnermik takutitsinertut taaneqarsinnaavoq, tassami qinersisartut kamalersimapput oqarlutillu ima:

Washingtonimi politikerit oqallittorujussuupput, maanilu nunami pissutsinut ajorsiartuinnartunut qanoq iiliuuseqassanatik.

Taamatullumi oqartoqarnera Obamap qineqqusaarutaasa ilaannik, assersuutigalugu Washingtonimi pissutsinik iluarsiiniarnissaminik neriorsuinera naammassinngitsuugaa qinersisartunit pillaatisissutigivaa, naak Obamap neriorsuutsiminnik naammassititsiniaanini itigarsimanerarlugu nassuerutigereeraluaraa.

Senatoritullu qinigaarlaaq Demokratit akerleralugit kiserrammi qineqqusaarsimavoq, ajugaarujussuaramilu tamanna ataqqinaatigilersimallugu.

Aamma senatorinngorlaaq erseqqarissumik isummertartuuvoq, Republikanereqatinilu tunuliaqutigiumasimanngilai, namminerlu isummani kisiisa aallaavigerusuttartuullugit, tusagassiortunillu ullumikkut katersuutsitseqqaarmat allaat tullissaani præsidentinngorniunnissamut sassarusunnginnersoq aperineqarsimagaluarpoq, naallu aperineqartoq illalaaginnaraluartoq, Obamap nutaaliortariaqarneranik tamanna kinguneqassasoq qularutigisariaqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat