Obama nuannarineqarluarpoq

Brasiliap præsidentia tunuartussaq Lula da Silva Amerikamiut præsidentiannik Barack Obamamik naammaginninngeqisoq ullumi siusinnerusukkut oqaluttuaraarput, tamannali Amerikamiunit allatut isumaqarfigineqarpoq.

Allattoq Elisa Isaksen

decembarip 28-at 2010 16:54

Tassami ukiuni tulleriiginnarni pingasuni angutini nuannarineqarnerpaatut toqqarneqarpoq, nunanullu allanut ministeria Hillary Clinton arnani nuannerineqarnerpaalluni.

Tamanna isumasiuinermi aviisimit USA Today-imit aamma Gallupimit ukiumut ataasiarluni ingerlanneqartartumit paasineqarpoq.

Ukiunilu pingasuni tulleriiginnarni Obama nuannarineqarnerpaavoq.

Isumasiuinermi normu 2-tut 3-tullu inissittut tassaapput præsidentiusimasut George W. Bush aamma Bill Clinton. Nunannarineqarnerpaanilu quliusuni tulliullutik inissisimapput Nelson Mandela, pave Benedikt, Bill Gates, Dalai Lama aamma tv-miittartoq Glenn Beck.

Arnani Hillary Clintonip nuannarineqarnera aalajaanneruvoq, tassami ukiormanna ukiuni tulleriiginnarni qulingiluassaannik normu 1-tut toqqagaammat.

Sarah Palin Republikanerit nuannarineqartortaat normu 2-tut inissippoq.

Taakkununngalu tulliullutik arnat soorlu Michelle Obama, dronning Elizabeth aamma tv-miittartoq Oprah Winfrey.

Obama nuannarineqarluarpoq

Aamma atuaruk