Obama imaluunniit McCain USA-mi præsidentinngussaaq
Obamap McCainillu assigiinngissutiginerpaagunarpaat, nunanut allanut politikkertik. Soorlu Irakimut atatillugu; Obama isumaqarpoq USA-p sakkutuuni sukkanerpaamik angerlartittariaqarai, McCainip maannakkut præsidentip, Buship Irakimi sorsuinnarusunnera isumaqatigigaa. Obamap Afghanistanimi sakkutuut amerlisikkusuppai, isumaqarami Irakimi maannakkut sorsunneq pissutigalugu Afghanistanimi sakkutuut ikippallaartut. Niuernerup tungaatigut aamma præsidentinngorniuttussat isumaqatigiinngillat; John McCainip killilersorneqanngitsumik nunanik allanik niueqateqarneq tapersersorpaa, Obamap USA-p nunanik allanik niueqateqarnera akitsuusersorneqartariqarsoraa, USA-mi suliffiusinnaasut atatiinnarusullugit USA-llu naalagaaffittut soqutigisai salliutikkusullugit.
Barack Obama aamma USA-p akeqqatut taasartagaanik, Iranimik Cubamillu isumaqatiginninniarusuttoq McCain tamatumunnga isumaqataanngilluinnarpoq.
