Obama apriilimi Europamut tikeraassaaq
EU-mi siuttut immikkut ittumik ullumikkut sapaammi ataatsimeereersullu, Tjekkiap ministeriunera Mirek Topolánek ullumikkut tusagassiortunik Bruxellesimi katersortitsinermi taama ilisimatitsivoq.
- Obamap apriilip tallimaanni Pragimut qaaqquneqarnini akuersaarpaa, taama oqarpoq Topolánek, ukiup affaani matumani EU-mi siulittaasuusoq.
Ataatsimeeqatigiittussat tassaallutik illuatungaani nunat EU-mut ilaasortat siuttui illuatungaanilu præsident Obama.
Danmarkimi ministeriuneq Anders Fogh Rasmussen ataatsimiinnermi peqataassasoq ministeriuneqarfimmit aamma nalunaarutigineqarpoq
Obamamik ataatsimeeqateqarnissaq, NATO-mi siuttut apriilip pingajuanni sisamaannilu ataatsimeereerpata pissaaq.