Obama ajugaalerpoq
Amerlanerit tamanna takorlooruminaatsikkaluraat amerikami tusagassiuutit periarfissat assigiinngitsut sammileruttorpaat.
Aappariit Bill aamma Hillary Clintonip Barack Obamap suleqatigisinnaanera siornatigut eqqartortareerpaat. Taamanili Hillary Clinton præsidentinngorteriarlugu Obamap sinniisussatut inissillugu præsidentitut ilinniartunngornissaa periarfissatut eqqaasarsimavaat. Maannakkulli Obamap præsidentinngornissaa Hillary Clintonillu tullersortinngornissaa Bill Clintonip periarfissatut isigigaa, USA-mi tusagassiuutit nutaarsiassaatiminni pingaarnertut saqqummiuttalerpaat.
Obamali suli mianersorallarpoq, præsidentinngussagaluarunilu kina tullersortigisinnaanerlugu maannakkut eqqartorusunnagu.
Piviusulli qiviaraanni, arlaannik isorineqarsinnaasunik Obama isertugaateqanngikkuni, ajugaasussangortutut oqaatigisariaqarpoq. Taava apeqqutaalerpoq Hillary Clintonip ajorsarnini qanoq atorluarsinnaassaneraa. Qanorluunniilli pissutsit ikkaluarpata, Hillary Clintonip juunip aallaqqaataata tu
Præsidentimummi tullersortinngunngikkaluaruniluunniit, Obamamit neriorsorneqareerpoq ajorsaraluaruni, tullianik eqqartuussiviit qullersaanni eqqartuussisussarsiortoqalerpat tassani atorfinissinnaassasoq. Inatsisilerituutummi ilinniagaqarnikuugami tassani atorfinikkaluaruni politikeritut inuiaqatigiit ineriartortinneqarneranni anguniakkani ingerlateqqissinnaassavai. Obama maannakkut ataqqinnilluni qineqqusaaginnartariaqarpoq, minnerunngitsumillu isumatusaarluni tullersortissaminik toqqaariarluni, Republikanerit præsidentinngortinniagaat, John McCain ajugaaffiginiassallugu.
