Oaklandimi ikiaroornartoq akileraaruserneqalerpoq

- Suliffeqanngikkaanni aningaasaateqaraniluunniit ikiaroornartunik tuniniaaginnartoqarsinnaavoq. Isertortumik taama ingerlasoqartarpoq, maannali pisortatigoortumik taamatut ingerlatsisoqalerpoq. Ikiaroornartunik hashimik marihuanamillu tuniniaanermi 1,8 procentimik akileraarusiisoqartalissasoq Oaklandimi Californiamiittumi innuttat ippassaq aalajangerpaat. Illoqarfimmi tassani ikiaroornartuerniarfinnit ikiaroornartorsisinnaanermik nakorsamit allagartamik pillit 1,8 procentimik akileraarummut akiliisassasut oqartussat aalajangerpaat. Los Angelesimi ikiaroornartuerniarfiit 600-juupput, taamaalillunilu Starbuck Café-niit amerlanerupput.

Oaklandimi ikiaroornartunik tuniniaasartut akileraartalernermikkut oqartussat ikiorusuppaat, tamannalu illoqarfimmut aningaasaataarulluinnartumut neqeroorutaavoq ikiorsiilluarsinnaasoq. Akileraartalernermili ikiaroornartuerniarnerup kingornatigut matuneqarnissaa kissaatigineqarpat ajornakusuussaaq, ikiaroornartumimmi tuniniaaneq inatsisitigut inerteqqutaajunnaarnissaa tamatumuuna qulakkeerniarneqassaaq. Oaklandip illuaqarfiata siulersuisuisa tamanna ajorinngilaat innuttat tamanna pillugu akuersaarlutik ippassaq taasitinneqarput.

Oaklandimi innuttat 80 procentiisa ikiaroornartumut hashimut akileraarusiisarnissaq akuersaarpaat, taamaattorli aallaqqaammut 5 mio. kruuniinnaat isertinnissaat naatsorsuutigineqarpoq.