Nûno Isbosethsen tusagassiortutsialattut toqqarneqarpoq

Tusagassiortoq Nûno Isbosethsen Tusagassiortut Peqatigiiffiannit ukiormanna tusagassiortutsialattut toqqarneqarpoq, peqatigiiffiup ippassaq ataatsimeersuarneranut atatillugu
Allattoq Jaaku Lyberth
februaarip 28-at 2010 16:44

Atoqatigiinneq inooqatigiinnerlu pillugit TV-ikkut aallakaatitassiat qulit radiokkullu aallakaatitat tallimat taaguuteqartut Nûnu Tutillugu nutaaliornertut tusagassiortut peqatigiiffiannit oqaatigineqarput. Tugassiortutsialattut toqqagaasoq Nûno Isbosethsen neriuppoq atoqatigiinneq pillugu paqumisunneq aallakaatitat Nûno Tutillugu iluaqutaallutik annikilissimassasoq.

Nûno nuannaarpoq aallakaatitat "Nûno Tutillugu" isiginnaartartunit radiukkullu tusarnaartartunit tigulluarneqarsimammata, neriuppoq atoqatigiinneq pillugu oqallittarnermi paqugumigineqartarneq annikillisimassasoq. Nûnop maluginiarsimavaa aallakaatitassiat Nûno Tutillugu aallakaatinneqareeraangata, avanaani kujataanilu, ingammik Qaqortumi oqallisigineqartartut, tassuunatigullu takussutissaqarnerarpaa, aallakaatitassiarisartakkani oqaluuserineqartartut. Nûnop tusagassiortutsialattut toqqarneqarnini atorluarsinnaanerarpaa, aatsaat siorna januarimi tusagassiortutut naammassigami tusagassiortutsialattut toqqagaanini tupinnarnerrarpaa tamannalu siunissami sulinissaminut kissassaasuussasoq.