NÛK arnartai bronzinnapput

Arnat inersimasut bronzinnanniullutik unammineranni NUK Nuummeersut ajugaapput 30eraarlutik K-33 Qaqortumeersut 25raarlutik ajorsartut.

Angutit assammik arsarlutik bronzennanniullutik maannakkut unammipput taassaallutik Nagdlunguaq N-48 Ilulissaneersut SAKlu Sisimiuneersut.

Nagdlunguaq N-48 28-inik isertitaqarlutik ajugapput, SAK 24-inik isertitaqarlutik ajorsartut. N-48 bronzinnappoq

Taakkua unammereerpata arnat pissartanngornitivinnerat aallartissaaq, tassani unammissapput GSS Nuummeersut unamissallugit SAKip arnartai.

GSS-ip arnarai pissartanngorput 32inik isertitsigamik SAK 25-inik isertitaqarlutik sølvinnattut.

Taakkua unamminerat toqqaannartumik KNR-TV-ikkut aallakaatinneqassaaq.

Angutit assammik arsarlutik pissartanngorniutivinnerat tallimanut aallartissaaq, tassani assammik arsartartut Nuummeersut imminnut unammissapput, tassalu GSS aamma NUK, taanna aamma toqqaarnartumik KNR TV-ikkut aallakaatinneqassaaq.

Kalaallit Nunaanni assammik arsartartut kattuffiat Grønlands Håndbold Forbund, assammik arsarluni pissartanngorniunnermut atatillugu dommerit marluk Danmarkimeersut aggersarpaat, kalaallit nunaanni assammik arsarluni dommeriusartut ineriartortinneqarnissaat siunertaralugu. Dommeriusartut ineriartornerunissaat GHF-imit kissaatigineqarpoq.

Danskit assammik arsartartut kattuffiata Dansk Håndbold Forbundip dommerit pillugit ataatsimiitittaaliaanik suleqateqarneq aallartinneqarpoq.