Nyrup olympiademi peqataajumajunnaaqataaqqusivoq
-EU tamarmi peqataasariaqarpoq, nuna ataaseq Olympiademut peqataajumajunnaassappat tamanna iluaqutaanavianngilaq, Kina-mik oqaloqatiginninneq aallartittariaqarparput, Poul Nyrup Rasmussen oqarpoq.
Aalajangersagaq EU-p ataatsimoornissaanik kajumissaarummik imaqartoq sapaatip akunnerata ingerlanerani EU-Parlamentimi taasissutigineqartussaq Poul Nyrup Rasmussen-ip isumaqataaffigaa.
Aalajangersagaq olympiademi peqataajumajunnaarnissamik periarfissamik ammaassisuuvoq.
Olympiademik peqataajumajunnaarnissamut isumaqataanermi saniatigut Kina peqatigalugu pilersaarusiornermut suleqatigiinnerup atorunnaarsinneqarnissaa isumaqataaffigaa.
Olympiadeqarneq aggustip qaammataani aallartinnissaa sioqqullugu Kinami inuit pisinnaatitaaffiisa pitsanngoriarsimanerannik EU-mi naliliisoqassanersoq Poul Nyrup Rasmussenip oqaatigiuminaatsippaa, kisianni EU-mi nunat apeqqummut tunngatillugu katersoruminaassinnaanerat nassuerutigalugu.