Kommune Kujalleq nutaamik kommunaldirektøritaalersoq

Kommune Kujallermi kommunaldirektøriugallartup Frank Hedegaard Jørgensenip kommundirektøritut atorfinitsinneqarnissaa, Kommune Kujallermi kommunalbestyrelsimi ilaasortat matoqqasumik kingullermik ataatsimiinnerminni aalajangerpaat.
Frank Hedegaard Jørgensen Assi © : Kommune Kujalleq
Allattoq Mads Lynge
novembarip 03-at 2014 11:39

Jørgen Vetterlainip aappaagu januaarip naanerani soraarninngorneranit atuutilissasoq, Kommune Kujalliup tusagassiuutinut nalunaarummi allaaseraa.

Frank Hedegaard Jørgensen, cand.scient.pol-itut Aarhusip Universitetiani ilinniarsimasuuvoq, Kommune Kujallermilu maanna kommunaldirektøriugallarluni. Kommunimi suliaqarnermik Nunatsinni misilittagaqarpoq, Nanortallip kommuniani 1983-imi atorfinikkami. Tassani allattoqarfimmi aallaqqaammut pisortaavoq, kommunaldirektøritullu 1990-imi atorfinilluni. 2009-miit maannamut Kommune Kujallermi kommunaldirektørip tullersortaatut atorfeqarsimalluni.

Frank Hedegaard Jørgensen, suleqatissaminik sukiuni qaangiuttuni attavippassuaqalersimasoq, Kommune Kujalliup allaaseraa, Namminersorlutik Oqartussat iluanni, pisortallu ingerlatsiviini allani aamma attavippassuaqalersimalluni.

- Taamaalillunilu aamma kommuneqarfiit ingerlanneqarnerinut ilisimasaqqortuutut nalilerneqartariaqarluni, Kommune Kujalliup, tusagassiuutinut nalunaarummi ilaatigut allaaseraa.

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk