Politikki Kulturi

Lars-Emil Johansenip inuunera pillugu atuakkiaq saqqummerpoq

Nunatsinni politikkikkut misilittagartooq Lars-Emil Johansen pillugu atuakkiaq ullumi saqqummersinneqarpoq. Atuakkiaq Naalakkersuisunit, Inatsisartut siulittaasoqarfiannit kommuniniillu ilaatigut aningaasalersorneqarpoq.

Allattoq Kenneth Elkjær

apriilip 28-at 2017 15:44

Nutserisoq Mads Pedersen

Atuakkiaq "Den utæmmelige" Politikenip saqqummersitsisarfianit ullumi saqqummersinneqarpoq, AG-milu tusagassiortumit Niels Ole Qvistimit allanneqarluni.

Lars-Emil Johansenip politikeritut nuimasutut ukiut 50-ingajaat sulinera oqaluttuarineqarpoq, politikeritullu sulinerata saniatigut inuunera aamma oqaluttuarineqarluni.

Lars-Emil Johansenip imigassamik ajornartorsiuteqarsimanini "Den utæmmelige"-mi aamma eqqartorpaa.

- Imigassap inupalaanngortippaanga, aappaqartarninnullu ajortumik aamma sunniuteqartarsimalluni, Lars-Emil Johansen, qangali imissaarsimasoq oqarpoq.

AAMMA ATUARUK Hvad skal vi med parlaments-bygning til 300 mio?

Atuakkiornissamut 20.000 koruuninik aningaasaliisoqarnissaa, Naalakkersuisut 2016-imi aalajangerpaat, Lars-Emil Johansenip 70-iliinissaanut atatillugu aningaasaleeqataasoqarnissaa Naalakkersuisut taamanikkut aalajangermassuk, Lars-Emil Johansenilu aalajangeeqataanngilaq.

Kommunit sisamat aningaasaleeqataapput, soorlu aamma Namminersorlutik Oqartussat kulturimut aningaasaliissutaannit aningaasaliisoqartoq, Tele-Post Air Greenlandilu aamma aningaasaleeqataasuullutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.