Nuutsitaasut pillugit eqqartuussineq nangissaaq
Amerikamiut Pituffimmi sakkutooqarfeqarnerannut atatillugu avanersuarmiut tallimat pinngitsaalisaallutik nuutitaaqataasimasut taarsiivigineqarnissamik piumasarisaat Østre Landsretimi sapaatip akunnerani tullermi suliarineqassaaq.
Suliassaq taanna aasarli eqqartuussivimmi sammineqartussaagaluarpoq, taarsiivigeqqusulli eqqartuussissuserisuat, Christian Harlang taamani napparsimaleriataarmat suliaq unitsinneqarallarpoq.
Sapaatilli akunnerani tullermi suliassaq taanna Københavnimi Østre Landsretimi suliarineqassaaq, inuit pineqartut tallimat tamarmik immikkut 250.000 kronenik piumasaqarlutik.
Eqqartuussiviilli qullerpaartaata, Højesterettip, pingaarnerusutigut aalajangiinera aasarli pivoq, tassa nuutsitaasimasut kikkulluunniit tamarmik immikkut 15.000 kronenik taarsiivigineqarsinnaasut imaluunniit taarsivigineqassanngilluinnartut.
