Nuussuup atuarfia ullumi matugallarpoq
Nuup illoqarfittut immikkoortuani Nuussuarmi atuarfimmi Nuussuup Atuarfiani atuartuutilinnut nalunaarut ingerlateqqilaassavarput.
Juullip ukiortaallu akornanni Nuussuup Atuarfiata qilaavi nipikilisaasersorneqarput, init atuarfiusut akisuajunnaarsillugit. Suliarinerani liimmi sakkortooq atorneqarpoq.
- Naatsorsuutigisimagaluarparput ullumikkut atualeqqinnermi liimmi pineqartoq tipaarutereersimassasoq, kisiannili suli tipittupilussuummat allatut ajornartumik ullaaq nal. 08.30 missaani atuartut tamaasa aniatittariaqarsimavavut. Tassa 1. – 7. klassini atuartut timersortarfitsinni aaqqissuussivigipallanneqarput, 8. – 11. klassillu angerlartiinnartariaqarsimallutigit, Nuussuup atuafiani pisortaq Janne Klesit Lyberth taama ilisimatitsvoq.
Nuussuup Atuarfia aqagu ammassanersoq ullup ingerlanerani ilisimatitsissutigineqassasoq, Nuussuup atuarfianeersut nalunaarput.
