Nuussuup atuarfia suli matoqqavoq

Nuummi Nuussuarmi atuarfik aqagu aamma matoqqassaaq. Taarsiullugu atuartut 480-iusut allamik sammisassaqartinneqassapput.

Atuartut 1 klasse-iniit 3-klassenut Neriusaami sammissaqartinneqassapput ullaakkut arfineq pingasuniit. Atuartut 4 klasse-niit 7 klasse ilanngullugit Nuussuup timersortarfiani ullaakkut arfineq pingasunut katersuutissapput qulingiluanullu Katuamut filmeriassallutik. Atuartut angajulliit 8 klasse-niit 11 klassinut angerlarsimaannarsinnaapput atuarfimmukartulli Katuami filmeriaqataasinnaallutik.

Nuussuup atuarfia ippassarli matoqqavoq liimmisunni sakkortooq ulorianarsinnaanera pillugu. Nuuk kommuneata Isumannaallisaanermut Avatangiisillu pillugit siunnersortaa kemiingeniørialu ullumi Nuussuup atuarfianut alakkarteripput Danmark-imilu immikkut ilisimasallit paasiniaavigineqarlutik. Nuussuup atuarfiata ningiua Jane Kleist Lyberth radioaviisimut oqarpoq Danmark-imit akissuteqartoqariarpat Nuussuup atuarfiani nalinginnaasumik atuartitsinissaq aalajangiiffigineqarumaartoq.