Nuussuarmi uuliasiulernissaq uatsilaaqquaa

Nuussuarmi aatsitassarsiornerup ikummatissamillu 2006-p naanissaata tungaanut ujaasinissap mattunneqarnera sivitsorli, taama kissaateqarpoq avatangiisinut pinngortitamullu illersuiniaqatigiiffiup Uppiup aallarniisua maannalu siulittaasua Jens Peter Lange. Jens Peter Lange oqarpoq nukissiornermi periarfissat allat ujartorneqartariaqartut, avatangiisillu mianerilluinnarneqarnissaa salliutinneqartariaqartoq. Jens Peter Langep aamma erseqqissaatigaa siunissami uuliamik tunisassiortoqalissagaluarpat kalaallit sulisorineqarnavianngitsut ilimagisariaqartoq.

Uliamik tunisassiortoqalissagaluarpat allani qillerisoqalerluni qalluisoqalernissaa Uppiup siulittaasuata ilimagaa, inoqarfinnilu uuliasiortoqarnissaa utaqqinneqartariaqarnerarlugu.

Aalisarfissuup eqqaani uuliasiornissaq mianernartoqarnerarpaa, assersuutigaalu avannaata ammassaa mingitsitsisoqarnerani tammariaannaasoq.

Jens Peter Langep aamma eqqaamaneqaqquaa nunarsuarmioqatitta Kalaallit Nunaata uumasui qanimut ukiuni kingullerni upalungaartorujussuanngoraat.

Aatsitassanut ikummatissanullu pisortaqarfiup Nuussuup avatangiisia ukiut marluk mississorneqalissasoq ippassaq nalunaarutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat