Toqqorsivik/ ArkivAssi: Tele-Post

Telepost: Nuup Upernaviullu akornanni internetti unnuaru attaveerukkallassaaq

TELE-POST-ip Canadami pilersuisuata nalunaarutigaa, Canadami kabelimi fiberiusumi kittorartoqarsimasoq. Kittorartoorneq piaartumik suliarisariaqarpoq, tamannalu malitsigisaanik Nuup Upernaviullu akornanni atuisut attaveerussinnaassasut, Telepost nalunaaruteqarpoq.

Atuisut annerusumik sunnerneqannginnisaat anguniarlugu, Canadami pilersuisut kabeli fiberiusoq, tassa kabelitigut sukkasuumik attavik unnuaru nal. 03.00-ip 05.30-llu akornanni aaqqissuutissamaarpaat taamaattumik aaqqissuunneqarnerata nalaani internettimut attaveqassanngilaq.

Piffissaq pilersaarutaasoq sioqqullugu kittorartoortoqareersimassappat, taava internetimut attaveeruttoqassaaq, aaqqissuunneralu ingerlaannaq aallartinneqassalluni.

Kujataani innuttaasut Telepostip sullitai aamma qaammataasakkoortumik attaveqaatillit eqqorneqassanngillat.
 

Qaqortup eqqaani aaqqissuussisoqareerpat internetti allanngujaallissaaq
Internettimut attavik ajorteqqajaavoq, Nuummit Upernavimmut maannakkut taamaallaat imaatigut kabeli Canadamut internettimut attaveqarpoq. Qaqortumilu imaatigut kabelip kittorarnera aaqqissuunneqareerpat, Island aamma Canada aqqusaarlugit internettimut attaveqartoqaqqilissaaq, imaatigullu kabelikkut attaveqarnerit allanngujaalleqqissapput.

Umiarsuaq imaatigut kabelimik aaqqissuussiartortoq maannakkut kabelip kittorarfianiippoq, suliallu aallartinnissaanut sikorsuit pernissaat utaqqiinnalugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat