Nuup Umiarsualivissaata toqqammavissaa Herman Berthelsenip qularaa
Herman Berthelsen kommunialu pitsaalluinnartunik tunngavilersuuteqarput, tassalu ilaatigut umiarsualiviup pilerinniarneqarneranut aki qaffarujussuarsimammat, 478 mio. kr.-init minnerpaamik 687 mio. kr.-inut. Nunatta tamarmi siuariartornera, Assartuussineq pillugu Isumalioqatigiissitanit naatsorsuutigineqartutut, ukiumut 2,6 %-iinnaanera kingornalu ukiumut 1,5 %-ip missaanut appartinneqarluni iluarsineqarsimanera aamma apeqqutaaqataanngitsoorsimanavianngilaq.
- Nunatsinni assartukkat qaffannissaannut qaffasissupilussuarmik missiliuinerit Qeqqata Kommuniata 2011-imili isornartorsiorpai. Taamatut isornartorsiuteqarsimanitta ilumoornera maanna ineriartornerup aammalu Rambøllip Nuup Umiarsualivissaalu pillugu suleqatigiissitat naatsorsugaannit nutaanit uppernarsarneqaannarpoq, Herman Berthelsen oqarpoq.
