Nuup umiarsualiviani containerit uppikaasut
Allattoq Mads Lynge
Containerit uppinnikut, sukujuit tinngussaasimasut, innaallagiaarunnerillu marluk, qujanartumillu inunnik ajoqusertoqarsimanani.
Nuummi ippassaq unnukkut anorersuallarmat tassa pisimasut.
Frederik Heilmann, Nuummi politiineersoq oqarpoq unnuaq ulapissimaqalutik.
Innaallagiaarunnerit nalaani alarm-erpassuit aallartissimapput, taakkununngalu orniguttariaqartarsimapput.
Nuummi umiarsualivimmi containerersuit uppikaasimammata umiarsualiviup ilaa politiinit assersorneqartariaqarsimavoq.
Illup qaliaata ilaa katassimavoq, sanaartorfiillu ilaanni ikaat uppissimallutik.