Nuup qimmii Danmarkimit pisiarineqartarput

Qimmit Nuummeersut eqqissisimasuusarnerat illumiuttamut tassunga soqutiginnilersitseqataavoq. Nuummi uumasut ikinngutaannik pilersitsisoq siulittaasorlu Susanne Markdahl KNR-imut ilisimatitsivoq qimmit Nuummeersut ima soqutigineqartigilersimasut utaqqisuniittoqalersimalluni.

- Ilaqutariit marluk Danmarkimi maanna utaqqisutut allatsissimapput. Ukiullu ingerlaneranni qimmit 20-it missaanniittut Danmarkimut inussaannut nassiuttarsimavagut, taama Susanne Markdahl KNR-imut oqarpoq.

- Nuummeersumik qimmitaarnissamik soqutiginnilersartut tassaakkajupput Nuummi najugaqarsimasut. Aammali qimminik Nuummeersunik Danmarkimi takulluarsimallutik soqutiginnilersut aamma pilerisuummertarput, taama Susanne Markdahl oqaluttuarpoq.

Attaveqatigiinneq oqarasuaatikkut internetikkullu pilersarpoq Nuummi uumasut inaanniit qimmip assiga email-ikkut nassiunneqartarluni ilumut Nuummeersumik qimmitaarniarnerlutik naalagaaffeqatigiinnerup kujasissortaanit saaffiginnittut isummertinnagit.

Nersutit inaata Nuummi isumagisussaavaa qimmit aallarunneqarnissartik minnerpaamik ullunik 30-nik sioqqullugu akiuussutissamik kapitereersimanissaat. Qimmillu taakku qimminit pitsaasunit arlalinnit akusaammata soqutinnittoqalersarpoq.

- Qimmit Nuummeersut tassaakkajupput savat qimmiinit, schæferinit, labrador-init retrieverinillu akusat. Qimmillu pitsaasut sisamat akulerunneqaraangata qimmeq pitsaalluinnartoq pilersarpoq, taama Susanne Markdahl.