Nuup Nuussuaani aallaasersortoq
Nuummi politiit ullaaq manna aallaasersortoqarneranik kalerrinneqarput. Inunnilli ajoqusertoqarsimanngitsoq politiit oqaatigaat.
- Ullaaq tallimanngoriartornerani Nuup Nuussuaani eqqaassisoqarneranik kalerrinneqarpugut. Biilit pingasut inissiarlu ataaseq eqqaanneqarsimapput, taama oqarpoq politiinut ittuugallartoq Johan Davidsen.
- Allanik aamma eqqaassaqarsimasinnaanera suli erseqqissumik qulakkiinngilarput, oqarpoq.
Taanna kajumissaarivoq, inuit aallaasersornermik takusaqarsimasinnaasut politeeqarfimmut saaffiginneqqullugit.
Politiinut ittuugallartoq Johan Davidsen oqarpoq, angut aallaasersortoq tarnimigut napparsimasutut oqaatigisariaqartoq.
- Aallaat mikisoq qoorortuuaraq sakkortuneq atorsimavaa, oqarpoq.
Johan Davidsen erseqqissaavoq, angut maanna tarnimigut napparsimanersoq misissorneqartoq, misissuinerullu inernera angutip qanoq pineqarnissaanik aalajangiisuussasoq.
