Nuup Narsarsuullu akornanni timmisartuussisoqanngitsoorpoq
Tassa Air Greenlandip Nuup Narsarsuullu akornanni ullumikkut timmisartuussinissaraluani taamaatiinnarmagit. Pilersaarutit najoqqutaralugit ippassaq decembarip 30-anni timmisartuussinissaraluit, Narsarsuarmi sakkortuumik anorlernera mittarfiullu quasappallaarnera pissutigalugit taamaatiinnarneqarput.
Silali ullumikkut allannguuteqarpallaanngilaq, ualimullu Narsarsuarmi sila pitsaanerulermat timmisartuussinissaq neriuutigineqaleraluarpoq. Ajoraluartumilli Nuup Mittarfiata ammanerata sivitsornissaa Mittarfeqarfinnit ajornartinneqarmat, ullumikkut timmisartuussinissat taamaatiinnarneqarput.
Nuummiit Kujataanut ilaasussaagaluit 26-t Kujataaniillu Nuuliartussaagaluit 29-t aatsaat aqagu timmisartuunneqarnissartik naatsorsuutigisinnaavaat, tassami aqagu ullaap tungaani aqqanernut Nuummiit aallartoqarnissaa pilersaarutigineqalermat.
