Nuup Kujataani aavarneq unissaaq

Nuup kujataatungaani Ameralimmiit Qeqertarsuatsiaat tikillugit aavarneq sapaatiuppat septembarip 30-anni unittussanngorpoq.
Allattoq Elisa Isaksen
septembarip 28-at 2007 13:57

Nuup kujataatungaani Ameralimmiit Qeqertarsuatsiaat tikillugit aavarneq sapaatiuppat septembarip 30-anni unittussanngortoq Avatangiisinut Pinngortitamullu Pisortaqarfik nalunaarpoq.

Sioqqamiit Ivittuut kommuniata kujammut killeqarfia tikillugu aavarneq aatsaat oktobarip 15-anni unissaaq.

Naternap kujataatungaaniit Nuup Kangerlua tikillugu saniatigooralugu tuttunniarneq novembarip 15-ata tungaanut ingerlanneqassaaq, tamaani piniartunut akiliuteqarlunilu tuttunniartitsineq 2008-mi februaarip naaneranut ingerlanneqarsinnaavoq.

Avatangiisinut Pinngortitamullu Pisortaqarfimmit aavartartunut tamanut akuersissutip tunuaniittup immersugassap immersornissaa eqqaamaqquneqarpoq.

- Immersugassap immersornissaa pingaaruteqarluinnarpoq, tuttut sumi pisarineqarsimanerannut pisassanillu siunnersuinermut pingaaruteqarmat, pisortaqarfimmit nalunaarummi taama allattoqarpoq.