Nuup Kommuniata aappaagumut aningaasartuutissai kommunalbestyrelsep tamarmiulluni ippassaq aappassaaneerlugit akuersissutigai, akileraarutillu 25 %-innarnissaa aalajangiusimaneqarpoq. rvr
Kommunep 725 mio. kr.-t aningaasartuutigissavai, siornarnit 25 mio. kr.-nik amerlanerullutik.
Isumaginninnikkut malunnaatilimmik allannguisoqassaaq. Qanga periaasiusimasut qimanneqarlutik nutaanngorsaasoqarniarpoq, soorlu Qimarnguik matullugu, ilaqutariit katsorsarneqartalernissaat siunniunneqarpoq.
Meeqqat ornittagassaannut ”Mælkebøtten"-imut namminneq kajumissutsimik pilersitsiniaqatigiit tapersersorniarpaat, ukiut pingasut ingerlaneranni ukiumut 1 mio. kr.-nik aningaasaliiffigisarniarlugu.
Sanaartugassat nutaat Namminersornerullutik Oqartussanit orniginartinneqanngikkallartut, soorlu Nuup mittarfiata tallinissaa, Qinngutsinnut aqqusiniassaq Nuup Kommuneata aappaagu sanaartorniarpai.