Nuup Kommuneata katersiniarneq akisuallaarnerarpaa

Nuna tamakkerlugu saviminikunik saffiugassanillu katersiniarnermut Nuup Kommunea peqataajumanngilaq, taama Nuup Kommuneata peqataajumannginnera savinikunik saffiugassanillu katersinissap akisuallaarneranik tunngaveqartinneqartoq, Nuup Kommuneata nittartagaani allaaserineqarpoq.
aggustip 08-at 2008 12:00

Saviminikunik piiaanissamik suliniut Kommuneqarfiit Kattuffiannit, KANUKOKA-mit, sulissutigineqarpoq.

Saviminikunik saffiugassanillu eqqaaviusartup – assanneqarnissaannaanut 20-30 millioni koruunit missaat Nuup Kommuneanut aningaasartuutaassapput.

-Tamatuma saniatigut savinikunik umiarsualimmut assartuinerinnaq ataaseq 300.000 koruuneqarpoq. Eqqarsaatigigaannilu kommunip saviminikunik eqqagassai Kalaallit Nunaanni illoqarfinni saviminikunik eqqagassat tamakkerlugit amerlaqatigigai, taava tamanna kommunimut akisuallaalersinnaavoq, Ole Abrahamsen, Nuup Kommuneani avatangiiseqarnermut immikkoortortami aqutsisuugallartoq, oqarpoq.

Taanna nangilluni nassuiaavoq Nuup Kommunea aalajangertoq eqqagassat navianaatillit nunani allani qularnaatsumik suliarineqartussanngorlugit nassiunneqartaannassasut, saviminernullu eqqaavik atuinnarneqarluni.

Nuup Kommuneata nittartagaa naapertorlugu

saviminikunik eqqaavik Nuup kangerluanut eqqasunnarsinnaasumik mingutsitsinngilaq.