Nuup imerniartarfiisa ilaanni tupa killeqalissaaq

Neriniartarfinni, caféni, imerniarfinnilu pujortartarfiunngitsunik immikkoortortaqalernissaq isumaqatigiissutaavoq. Qaqortumi neriniartarfiuteqarlunilu imerniartarfiutillip Jim Riisip siunnersuut tunngaviatigut isumaqatiginartikkaluarlugu, illua’tungilerpaa:

- Pujortartarfiunngitsunik immikkoortortaqarfeqalernissamut siunnersuut isumassarsiatsialaanersoq isumassarsiatsialaannginnersorluunniit oqaatigisinnaanngilara, naalakkersuisulli akuleruttariaqanngillat, Qaqortumi neriniartarfiuteqarlunilu imerniartarfiutilik Jim Riis oqarpoq, ingerlaqqipporlu:

- Allaanngilaq naalagaaniarpaluttutut perorsaaniarpaluttutullu nipeqartut. Nunatsinnilu innuttaasut taamatut pineqartariaqanngillat, Jim Riis naqissussiivoq.

Isumaqatigiissut peqqissutsimut naalakkersuisup Asii Chemnitz Narupip Nuummilu neriniartarfiuteqarlutillu imerniartarfiutillit Carl Juhlip aamma Helge Tangillu akornanni maajip 27-ianni atsioqatigiissutigineqarpoq.

Nammineq piumassuseq tunuliaqutigalugu isumaqatigiissutip piviusunngortinneqarnissaa siunnerfigineqarpoq, neriniartarfiutileqatigiinnilu ilaasortat tapersersuinissaat kajumissaarutigineqarluni.

Jim Riisip tunngaviatigut isumaqatigigaluarlugu, piviusunngortinneqarnissaa ajornakusoorsoraa:

- Taavami qanoq iliussaagut pujortartartuinnarnik isertoqarutta? Imerniartarfiup aaffaa matoqqatissavarput?, Jim Riis aperivoq.

Jim Riis isumaqarpoq pujortarfiunngitsunik immikkoortortaqalernissaq neriniartarfinni ajornaquteqanngitsumik piviusunngortinneqarsinnaassasoq, taamaaliornissamulli imerniartarfinni pissutsit allarluinnaassasut.

Ullumikkut ulloq tassaavoq Naalagaaffiit Peqatigiit peqqinnissakkut suleqatigiiffiata, WHO-p, tupamut tunngatillugu ullorititaa.

Belgiami neriniartarfinni pujortaqqusinnginneq, ukioq 2007-imi atuutilissaaq, taamaalilluni Belgia nunanut allanut neriniartarfinni pujortaqqusinngitsunut ilanngutissaaq. Nunat allat neriniartarfinni assigisaanilu pujortaqqusinngitsut allat tassaapput Irland, Italia, Malta, Norge aamma Sverige.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat