Nuup eqqannguani nanoq

Nanoq inersimasoq ullaaq manna Nuuk avaqqutilaarlugu naluppoq. Maanna piniarnermut nakkutilliisumit malittareqqissaarneqarpoq. Namminersorlutik Oqartussat innuttaasut kajumissaarpaat Akiani Nipisat qanillinaversaassagaat.
Allattoq Noah Mølgaard
juunip 02-at 2012 08:24

Nanoq inersimasoq umiatsianit piniarnermillu nakkutilliisumit ullaaq arfineq pingasut missaanniit Nuup avatinnguani malittarineqalerpoq.

- Nuuk avaqqutilaarlugu naluppoq maannalu Akiani Nipisat eqqaanniilluni, Pisassanik nakkutilliisoqarfimmi pisortap tullia Niels Laursen KNR-imut oqarpoq.

Nuummi nannuttassat tamakkerneqareerput. Taamaammat nanoq ajornartorsiulernermi aatsaat toqunneqarsinnaavoq.

- Nannup toqunnissaa pisariaqalersinnaavoq illoqarfiup tungaanut nalulissappat, Niels Laursen oqarpoq.

Nanoq inersimasoq mianersorfigilluinnagassaavoq. 500 kilo angullugu oqimaassuseqalersinnaavoq. Neqaa amia allallu Namminersorlutik Oqartussat tamaasa pissavaat malittarisassat malillugit.

- Innuttaasut kajumissaarusuppagut Akiani Nipisat nigorsimaniaqqullugit, Niels Laursen kaammattuivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq