Nuup eqqaani ujaasineq: Timmisartumik ujaasisoqartoq

Nuup eqqaani timmisartumik nakkarsimasorineqartumik massakkut ujaasineq politiit, Issittumi Sakkutooqarfiup Naviairilu suleqatigiissutigaat.

Allattoq Ann-Sophie Greve Møller

oktobarip 25-at 2025 17:00

Nutserisoq Medea Olsen

Nalunaaqutaq 18.30 nutarterneqarpoq.

Naviair Nuup eqqaani arfininngornermi ualikkut ujaasipput. Naviair, timmisartunik nakkutilliisut, nittartakkaminni allapput.

- Naviair, Issittumi Sakkutooqarfik politiillu suleqatigalugit Nuup eqqaani timmisartumik nunamit allameersumit ujaasipput, nittartakkami allaqqavoq.

Timmisartuaraq ataatsimik motoorilik pineqartoq, Naviairimiit paasissutisiissutigineqarpoq. Naviair massakkut paasissutissiinerusinnaanngilaq.

Naviairip saniatigut KNR-ip Issittumi Sakkutooqarfik politiillu attaveqarfigisimavai, taakkuali Naviairimut innersuussipput. KNR pisumut malinnaaviginnippoq.

Ullumikkut ujaasineq silap ajornera erseqqarlunneralu pissutigalugit unitsinneqartoq Naviair arfininngornermi unnukkut paasissutissiivoq.

Ujaasineq aqagu nanginneqaqqikkumaartoq taakku allapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.