Nuup eqqaani ajunaalernermik kalerrisaarisut
![](/sites/default/files/styles/image_934x467/public/article_images/nodblus630_0.jpg?itok=-Yq6J0l5)
Ajunaalernermi kalerrisaatutit marluk Nuup Kangerluani Akiani illoqarfiup akianiit aallartinneqartut ippassaq unnukkut nalunaaqutaq 21.35ip missaani takuneqarput. Politiit angallataat Sisak unnuaq ujaasitinneqarpoq maannamulli suli ajornartorsiortunik siumugaqanngitsoq Nuup politiivi nalunaarput.
Ujaasineq ullumi nanginneqarpoq.
Ajunaalermi kalerrisaarutit Akiani Angalunnguup Qaquup nalaaniit aallartinneqarsorineqarput. Aallaammik eqqartoqarpaluppoq qaammartartumillu kalerrisaarisoqarluni.
- Ajornartorsiortunik maannamut politiit suli siumugaqanngillat taamaattumik inuit arlaat maqaasisaqartut qinnuigineqarput nalunaaqqullugit. Inuit aamma piffissami nalunaataq 22.30-ip missaani Akianiissimasut imaluunniit qanitaaniissimasut nalunaaqquneqarput, politikommisær Niels Nyvang Nuup politiivinit nalunaarpoq.
Politiit oqarasuaataat normoqarpoq 32 1448.