Nuup avataa uuliaqassangatinneqartoq
Aatsitassanut Pisortaqarfik naapertorlugu, Nuup avataani immap naqqani uuliaqassaguni, uulialu qallorneqassaguni, tamanna naalagaaffiup karsianut ukiut 30-it ingerlaneranni 70 million koruuninik iluanaarutaassaaq. 70 million koruunillu Kalaallit Nunaannut ukiumut aningaasaliissutaarsarsimasutut amerlatigaat, taamaalillunilu Kalaallit Nunaata namminersulivinnissaa akissaqartinneqalissaaq, aviisimi Politiken-imi taama allaaserisaqarpoq.
Allaaserineqarpoq Nuup avataani uuliaqassaguni Danmarkip avataani Nordsømit uuliaqarnerussasoq.
Canadamiut uuliasioqatigiiffiat EnCana Nuup avataani misileraalluni qillerinissamut januaarimi akuerineqarpoq, EnCana-millu nalunaarutigineqarpoq qillerinissap 2008-tinnagu pinissaa pilersaarutaasoq.
Nunatsinni uuliaqarnersiorluni 2000-imi siullerpaamik qiilerusoqarpoq, misissuinerillu kingulliit takutippaat qilleriffissap nalaata naqqa uuliaqarluarsinnaasoq, misissuiffigineqartup ilaani uuliamik seerisoqarmat.
Aatsitassanut Pisortaqarfimmit Politiken-imut oqaatigineqarpoq EnCanap uuliasiorluni qillerinissaminut milliardtit koruunit affaat atorniarai.