Nuunneq nalunaarutigineqassaaq
- Meeraq, imaluunniit meeqqat, angajoqqaanngortussalluunniit immikkut ikiortariaqarpata, tamanna Danmarkimi kommunerisimasamit kommunemut nuuffiusumut ilisimatitsissutigineqassasoq, nalunaarut nutaaq, Isumaginninnermut Akuulersitsinissamullu ministeeriaqarfiup atuutilersitaa, najoqqutaralugu pisussaavoq.
Tamatuma pissuseqataanik kalaallit oqartussaasui qallunaat oqartussaasuinut aamma ilisimatitsisassapput. Malittarisassat taakku 2013-imi juulip aallaqqaataanni atuutilernissaat naatsorsuutigineqarpoq.
Danmarkimi siornatigut isumaginninnermi ministeriusup, Karen Hækkerupip, aamma ilaqutariinnermut Naalakkersuisup, Mimi Karlsenip, siorna ukiakkut ataatsimeeqatigiinnerisigut ilisimatitseqatigiittarnissamut pisussaaffeqaqatigiinnissaq anguneqarpoq.
Peqatigiiffiup Kalaallit Meerartaasa ukiuni sisamani suliniutertik, taaguutilik 'Et Godt Liv i Danmark', naammassillugu paasisatik tunniutereeraallu, taama isumaqatigiissuteqartoqarpoq.
Meeqqat suliniummi akuutinneqartut 120-usut 2/3-iisa, kommunit nalusaannik ajornartorsiuteqarnerat paasineqarmat taama aaqqiisoqarpoq.