Kapisillit eqqaani ukkusissanik piiaaffiusimasoq.Assi: Nynke Keulen/GEUS

Nuummiut ukkusisserinermik pikkorissalersut

Nuup eqqaani sumi ukkusissamik nassaartoqarsinnaaneranik paasisaqarnissamut ukkusissamillu sanaalunnermut isumassarsiornissamut Nuummi innuttaasut aasaanerani periarfissaqassapput.

Suliniutigineqartumut Nunavut isumassarsiffigineqarpoq, Nunavummiummi aningaasat isertitamik saniatigut sanaalukkanik "Inuit eqqumiitsuliaannik" taasaminnik tuniniaasarput.

Ukkusissanillu sanaalukkat Nuummi soqutigineqarluarlutillu piumaneqarluassasut, aaqqissuisut isumaqarput.

Isumassarsiarlu piviusunngortinniarlugu ukkusissanik pissarsiornissamut ukkusissanillu qanoq sanaaluttoqarsinnaaneranik Nuummiut ilinniartinneqassapput.

Aamma atuaruk Annikitsumik aatsitassarsiornissamut akuersissutit ammaanneqarput

Aamma atuaruk Ujarassiuut soqutigineqartut

Aatsitassanut Ikummatissanullu Naalakkersuisoqarfik annikitsumik aatsitassarsiorneq pillugu siorna pikkorissartitsimmat Danmarkimi Kalaallit Nunaanni ujarassiuutut misissuisarfimmeersut GEUS-imeersut Nynke Keulenip Majken Djurhuus Poulsenillu taama suliniuteqarnissaminnik isumassarsipput.

Taamani peqataasut ujaqqat sanalunnermut pinnersaasiornermullu atorneqarsinnaasut pillugit ilisimasanik ujartuipput.

Ukkusissat pillugit pikkorissartitsineq siulleq arfininngornermi juunip ulluisa aqqarnganni pissaaq, peqataasullu Nuup eqqani Qeqertarsuarmi Ikkattuni ukkusissaqarfimmik alakkarterinissamut qaaqquneqassapput.

Danmarkimi Kalaallit Nunaannilu ujarassiuutut misissuiffik GEUS, Ilisimatusarfik aamma Københavnip Universitetia suliniummik aaqqissuisuupput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl