Nuummiut tallimat Sverigemut talermikkiartorlutik unammiartortut

Unamminersuarnermi Golden Armimik taagorneqartumi nunarsuatsinni kikkut talermillaqqinnerpaanersut aalajangerneqassaaq. Mikkel Andersen unammiartoqataasut ilagaat.
 
- Angilaartorujussuuvoq. Sydafrika, Norge, Danmark, Kazakhstan. Ilai eqqaamanngilakka, Mikkel Andersen oqarpoq.
 
Sverigemiilloqarfimmi Eskilstunami Golden Armimik taagorneqartumik talerminnermik unammisitsisoqalerpat, Mikkel Andersenip nunarsuarmi angutit nukittunerpaat arfininngorpat unammeriaannaavai.
 
Suut tamarmik pisinnaagaluartut, nunarsuarmi talermillaqqinnerpaat unammisussaagamigit Mikkel Andersen isumalluarpallaanngilaq.

 
- Ilimasunngilanga imatut. Aamma nunat annertunermut. Nunat assigiinngitsut ilaasussat ikannermut. Kisianni qanoq pisoqassanersoq arfininngorpat takussavarput, Mikkel Andersen oqarpoq.
 
Nuumminngaanniit holdit marluk unammeqataajartussapput. Tassami Nanoq Polars sisamanik unammiartortitsissammat, Mikkel Andersen ilanilu Inuit Warriors sinnerlugu unammiartoqataassammata.
 
Talermittartup Sverigemukarnissaminut aningaasanik tapersersortini qujaffigerusuppai.
 
- Ittunet atisanut tapiimmat qujanarujussuaq, taavalu Sannassisoq Aps. Taanna bilitsimut tapiisimalluni, Talermittartoq Mikkel Andersen oqarpoq.