Ukiumoortumik taama aaqqissuussinermi anguniarneqartoq tassaavoq inuit sapinngisamik amerlanerpaat illoqarfimminni naluttarfinnut ornigunnissaat. Aaqqissuussinermi kikkut tamarmik peqataanissaminnut tikilluaqqusaapput.
Taamaammat sapaatiuppat ullaakkut nalunaaqutaq arfinermiit ulloqeqqata tungaanut naluttarfinnut akeqanngitsumik isertoqarsinnaassaaq.
Kikkulluunniit tikilluaqqusaapput. Inuusuttut utoqqaallu, meeqqat annerit minnerillu. Nalussinnaanissat taamaallaat piumasaqaataavoq.
Nuummi naluttarfiup Maliup saniatigut Danmarkimi naluttarfiit 31-t peqataatitsissapput. Kategorinilu assigiinngitsuni pingasuni aningaasanik akissarsiassaqarluarpoq:
Naluttarfimmut amerlanerpaanit orninneqartumut 5.000 koruuniniit 2.000 koruuninut akissarsiassaqassaaq.
Naluttarfimmi peqataasunut katillutik meterinik amerlanerpaanik naluttunut aamma akissarsiassaqassaaq.