Timersorneq

GM2018 Nuummiut sungiusartarfigissaarnertik iluaqutigigaat

Angutit isikkamik arsaallutik Nunatsinni pissartanngorniunnerat sapaammi aallartinneqarpoq, sapaatillu akunnerata naanerani semifinaalernissat finaalilulu ingerlanneqassapput.

Allattoq Bikki P. Kleist

aggustip 17-at 2018 14:15

Kluppit Nuummeersut pingasut ilulissaneersullu N-48 allanut naleqqiullugit siuarsimanerunerat malunnarpoq, pissanganartumillu unammisinnaapput, NBU sinnerlugu aaqqissueqataasoq, Mogens Nathansen naliliivoq.

- Unamminerit ilaanni målertoqangaatsiartarpoq, tamannalu takutiinnarpaa kluppit ilaasa qanoq siuarsimatiginerat, siunissamili ivigaasaaqqanik arsaattarfiit amerlineqarpata tamanna iluaqutaassaaq, Mogens Nathansen oqarpoq.

AAMMA ATUARUK Nuummiut iluliarmiullu semifinalinut annguttut

GM-imi semifinaliit arfininngornermi nal. 16.15 aallartissapput. Finaalernerlu sapaammi nal. 18.00 aallakaatinneqassalluni.

- Unammisussat ullugissaanerat apeqqutaasinnaavoq, kisianni N-48 anngussinnaavoq, aamma IT-79-imeersut, B-67-imeersut aamma annguteriaannaapput, B-67-ilu sukataartillugu Nuummeersut NUK anngussinnaapput, kisianni naligiittoqarsinnaavoq, NBU sinnerlugu aaqqissueqataasoq, Mogens Nathansen naliliilluni oqarpoq.

Semifinalit KNR-TV-kkut aqagu nal. 16.15-imit aallakaatinneqassapput.

GM2018 Nuummiut sungiusartarfigissaarnertik iluaqutigigaat

Aamma atuaruk