Tunumi illoqarfiit marluk Tasiilaq Illoqqortoormiullu Nuup kommuneanut kattunnissamik aperimmata tamanna Nuup kommuneanit akuersaarneqarpoq.
Nuummi innuttaasut tamanna pillugu qanoq isumaqarnersut aqqusinermi apersorpavut.
Marianne Berthelsen akivoq:
- Pissanganassooq akileraartarnerput qaffassanersoq killormulluunniit eqqarsaatigissavarpummi tunu aningaasakinnerusoq.
Piffissap takutikkumaarpaa qanoq pisoqarumaarnera misilinngikkunikku paasinavianngilaat ajussappat averuserumaarput.
Thamas Peter akivoq:
- Misissuilluaqqaartariaqarput oqartoqarpoq Nuumminngaanniit tunup avannaarsua paarilluarneqarsinnaasoq kisianni eqqarsaatigisariaqarparput tunup avannaarsua isorartussusia annertoorujorujussuuvoq imaaliallaannarlugu maanngaanniit paarineqarsinnaanngilaq.
Salomine Villadsen ima akivoq:
- Ilaqutariiulluta katerisimaarnitsinni tamanna eqqartorparput eqqaavarput pinngitsoorani skatteprocenti 1 eller 2 procentimik immaqa qaffassasoq .
Taassuma aamma ilimagaa inunnik isumaginninnermik sullissineq annertunerulissasoq artornarnerulissasorlu pissutigalugu ilaat tunumiissammata uagullu kitaaniikkatta.
Angerla Poulsen isumaqarpoq Nuup borgmesteriata kattunnissamik oqarnera ajunngilluinnartoq, taanna neriuppoq tamanna piviusunngorumaartoq.