Nuummiut isimmittaarillaqqinnerupput
Koreamiut imminut illersorniarluni timersuutaanni Taekwon Do-mi pissartanngorniunnerit ingerlanneqarmata Nuummi angusarissaarnersaagamik pokali ingerlaartoq pissarsiaraat.
Unammeriaatsini assigiinngitsuni unammisoqarpoq. Tassapput periutsini takutitsineq tul, frikamp aammalu isimmitseriaatsit arlariit.
Angusat katinneranni aamma stormesterinik taaneqartartunik toqqaasoqarpoq. Uku stormesterinngorput:
- Nivissat inuusuttuaqqani, qalipaatilinnik qiterutillit: Bibi Mikaelsen, Qaqortoq – Paninnguaq Efraimsen, Nuuk
- Arnat inersimasuni, qalipaatilinnik qiterutilinni: Bibi Mikaelsen, Qaqortoq
- Angutit inersimasuni, qalipaatilinnik qiterutilinni: Kari Edvardsen, Sisimiut
- Nukappissat inuusuttuaqqani, qernertunik qiterutilinni: Angula Kielsen, Qaqortoq
- Arnat inersimasuni, qernertunik qiterutilinni: Heidi Rasmussen, Nuuk
- Angutit inersimasuni, qernertunik qiterutilinni: Helge Heilmann, Maniitsoq
- Angutit utoqqasaani, qernertunik qiterutilinni: Tittus Petersen, Maniitsoq